Waxaa goordhaw si rasmi ah u billaabatay doorashada Madaxweynaha 11-aad ee Jamhuuriyada federaalka Soomaaliya ay ku tartamayaan musharaxiin badan uu ku jiro Madaxweynaha muddo xileedkiisu dhammaaday ee Farmaajo.
Teendhada Afisiyooni ee doorashada ka socoto waxaa ku sugan guddoonka labada Aqal ee Baarlamaanka federaalka Soomaaliya ,masuuliyiin katirsan dowladda, madaxda maamul goboleedyada iyo wakiillo katirsan beesha Caalamka .
Hoolka doorashada ka dhaceyso waxaa sidoo kale ku sugan musharaxiinta u taagan xilka Madaxweynaha Soomaaliya ,kuwaa oo saacadihii lasoo dhaafay waday olole xooggan ay ku kasbanayeen kalsoonida xildhibaanada.
Doorashada goordhaw billaabatay ayaan wali la saadaalin karin cida ku guuleesan karta, waxaana doorashada ku hardamaya musharxiin culculus ay ku jiraan Saddex Madaxweyne hore, Ra’isul Wasaarihii hore ee dalka iyo Madaxweynaha Puntland.
Musharaxiintan oo la tilmaamayo in ay yihiin kuwa ugu saameynta badan ee doorashada ayaa la sadaaalinayaa in ay hoggaamin doonaan wareega koobaad ee doorashada si weyna loo saadaalinayo in midkood kusoo bixi doono.
Xafiiska Shabakada Allbanaadir.com
Muqdisho Somalia
Allbanaadir@live.com
Xigasho: Allbanaadir
