Taliska Ciidamka Midawga Africa ee ATMIS ayaa galabta Bayaan kasoo saaray weerar qaraxyo iyo dagaalo isugu jiray oo saakay Alshabaab ay kula jarmaadeen Saldhig ay Ciidanka Yugaandha deganaayeen oo ku yaal Gobolka Shabeelaha Hoose.
Bayaanka ATMIS ayaa ugu horayn lagu qiray jiritaanka weerarka saakay helay ciidankooda deganaa Buulamareer.
“Saaka abaarihii 5ta subaxnimo ayaa Saldhiga Ciidanka ATMIS ee Buulo mareer oo dhinaca koonfur Galbeed kaxiga 120km magaalada Muqdisho kana tirsan Gobolka Shabeelada Hoose ay soo weerareen maleeshiyaadka AL-Shabaab iyagoo Adeeg sanayo baabur Qarax laga soo buuxiyey iyo ismiidaamin” ayaa kagu yiri Bayaanka.
ATMIS ayaa sheegtay intii uu dagaalku socday in ay garab ka heleen diyaaradaha wax duqeeya kuwaas oo burburiyay hubkii iyo gaadiidkii ay wateen Alshabaab sida lagu sheegay Bayaanka.
“Dagaalka udhaxeeya argagixisada iyo Ciidanka ATMIS waxaa xigey iney Soo xoojiyeen waaxda Ciidamada Cirka ee ATMIS iyo saaxiibadooda kuwaas oo Burburiyey dhamaan hubkii ay wateen maleeshiyada Al-Shabaab” sidaas ayaa lagu qoray bayaanka ATMIS soo saartay.
Inkastoo Bayaanka aan lagu xusin Khasaaraha soo gaaray ciidankooda hadana gabagabadiisa waxaa lagu cadeeyay in xaaladu caadi tahay ATMIS-na ay degan tahay goobaheedi hore.
“Hawlgalka ATMIS waxuu ucadeynayaa dhamaan bulshada iyo hayadaha kale ee wadanka jooga in xaalada ladajiyey hawlahana ay caadigii ku soo laabteen”
Bayaanka ATMIS ay soo saartay ayaa yimid Xilli Alshabaab galabta ay soo bandhigeen sawiro Maydadka Askar xiran calanka Uganda iyo Maxaabiis ay qafaalanayaan kuwaas oo ay ku sheegeen in ay yihiin cadeynta khasaaraha ka dhashay weerarkii saakay ee Buulamareer.
Shabaab waxay sheegeen in weerarkaas ay ku dileen 137 Askari oo udhalatay dalka Uganda kuwo kalena iyagoo nool ay qafaasheen, lamase xaqiijin karo sheegashadooda iyo sax ahaanshiyaha sawirada ay soo bandhigeen.
Halkaan hoose ka akhriso Bayaanka oo Afsomali ah
Halkaan hoose ka akhriso Bayaanka oo Af English ah
Puntlandtimes
Xigasho: Puntland Times
