Muhiimaddu waxaa weeye in Xassan guushiisu aysan libinta Soomaaliyeed ahayn, isagana ay ku koobantahay. Awalba musuqmaasuq aabbaheed ayuu ahaa oo taariikh fiican Soomaaliya iyo Soomaaliba kumalahayn.
Maantana waxaaba sumcadxumadiisaas xaqiijisay hambalyada kasha iyo laabta ah ee Debretsion Gebremichael ugatimi iyo baaqa daahsoon ee kudhex duugan.
Sida aan bogag hore ku caddeeyay, shacabweynaha Soomaaliyeed awooddu isaga ayay gacanta uugujirtaa haddii uu dhaadayo oo ficil ahaanna kaga dhabeynayo. Sababta ay reer Puntland nidaamka federaaliga dalka ugu yagleeleen ayaa ahayd in aanu nin Villada Xamar isku kala ballaariyay dalka iyo dadkaba dib dambe ugu amarkutaaglayn oo kheyraadkoodana kaga saqajaamin.
Puntland Times iyo guud ahaan saxaafadda Puntland, halka ay waqtiga iyo fursadaha qaaliga ah nagaga dayacayaan kafaalladeynta qawsaarradan aan agteenna qiimaha kulahayn, waxaa kaga habboon inay kaga faalloodaan siyaabihii uu shacabweynuhu heerkiisa dowlag goboleed iskaga gaashaami lahaa wixii safaad ah ee Xassan Qoslaaye iyo xukuumaddiisa kaga iman doona muddada uu xilkaas xaaraanta ah hayo.
Shaki kumajiro inuu sidiisii dalka kheyraadkiisa xaraashi doono, waxaana arrimaha in halkan lagaga doodo mudnaanta koowaad kuleh in baarlamaannada dowlad goboleedyadu degdeg u ansixiyaan qaanuun dastuuri ah ee dowlad goboleed kasta guddoonsiinaya awood mugleh ee ay kheyraadka iyo hantiyada qaran ee xuduudaheeda dhacsan iyadu kamas’uul noqobayso oo idam la’aanna aan heer federaal cidkale heshiis lagula gali karin.
Let’s discuss and debate the issues that matter the most, instead of wasting valuable space on outlining the utterly boring and meaningless profiles of known failed political figures who are nothing but big time losers.
Xigasho: Puntland Times
