Puntlandtimes(Muqdisho) Dowladda Federaalka ah ee Somalia ayaa shaacisay in ay duqeyn ku dishay Dagaalamayaal katirsan kooxda Argagaxisada ah ee Alshabaab.
War kasoo baxay Dowladda ayaa lagu sheegay in duqayntaan ay ka dhacday deegaano dhowr ah oo hoostaga Degmada Kuntuwaareey ee Gobolka Shabeelaha hoose.
“Howlgal qorshaysan oo ay iska kaashadeen Ciidanka Qaranka iyo Saaxiibada Caalamiga ah oo isugu jiray Cirka iyo Dhulka ayaa laga sameeyay ilaa iyo Afar deegaan oo hoos taga degmada Kuntuwaaray ee Gobalka Shabeellaha Hoose” ayaa lagu yiri war lagu daabacay waebaahinta Dowladda.
Bayaanka Dowladdu soo saartay ayaa sidoo kale lagu sheegay in weerarkaasi kagu dilay 30 kamid ah kooxda Alshabaab isla markaana lagu burburiyay Gaadiid waday saanad ciidan oo lagu daabulayay hub culusoo kooxdu lahayd.
“Howlgalka waxaa lagu laayay in ka badan 30 ka tirsan Khawaarijta Al-Shabaab waxaana lagu bur-buriyay Gaadiid waday Saanad Ciidan oo kala duwan iyo qoryo culus oo ah kuwa dagaalka ee duqaymaha loo isticmaalo”.
Sidoo kale dowladda Sonalia ayaa sheegtay jn weerarkaasi uu daba socday weerar shalay aroornimadii dableey katirsan kooxda shabaab ay ku qaadeen saldhig ciidanka ATMIS ay ku lahaayeen usla gobolka Shabeelaha hoose.
“Wuxuu daba socday Howlgalkaan weerar nafla caarinimo ah oo ay saaka Khawaarijta ku qaadeen xero ciidanka ATMIS ku leeyihiin magaalada Buulamareer ee gobalka Shabeellaha Hoose” sidaas ayuu lagu yiri warka dowladu ay shaacisay.
Majito hadal kasoo baxay kooxda Alshabaab oo arintaan ay kaga hadlayaan waxaase warkaan cusub uu imaanayaa xilli Argagaxisada Alshabaab ay shalay soo bandhigeen sawiro ay ku sheegeen ib ay tahay cadaynta khasaaraha gaaray Ciidankii Uganda ee lagu weeraray degmada Buulamareer ee Gobolka Shabeelaha hoose.
Puntlandtimes
Xigasho: Puntland Times
