Puntlandtimes(Kismaayo) Madaxweynaha Dowlad goboleedka Jubaland Mudane Axmed Maxamed Islaam ayaa magacaabay Maamul cusub oo uu yeelanayo Gobolka Gedo, xilli xiisad daran ay kajirto Gobolkaasi.
Digteerto kasoo baxda xafiiska Madaxwaynaha Jubbaland, ayaa lagu magacaabay Gudoomiyaha Cusub ee Goboljagobolka Gedo iyo afar kuxigeen, kuwaas oo nagacaabistooda lagala tashty Madaxwayne kuxigeenka maanulkaas midane Maxamuud Sayid Aadan.
Wareegtada Magacaabista ayaa u qorneed sidaan:-
Markuu arkay: Dastuurka Dowlada Jubaland, Cutubkiisa nad, Qodobka 72aad, Fargada (5aad) ee ku aadan awooda madaxweynaha, ee magacaabida xubnaha Golaha Fulinta Jubaland;
Markuu Garwaaqsaday: Muhiimada ay leedahay in maamul loo sameeyo gobolka Gedo;
Markuu Latashaday: Madaxweyne ku-xigeenada Dowlada Jubaland.
Wuxuu Madaxweynaha Dowlada Jubaland u magacaabay,
1. Cabdullahi Cabdi Jaamac —Gudoomiyaha Gobolka Gedo.
2. Cusmaan Nuux Xaaji ( Macalimu) —G/Kuxigeenka Amniga & Siyaasada.
3. Nasteex Cabdi Saalax —G/ Kuxigeenka Maaliyadda.
4. Ibrahim Madoobe Maxamed —G/Kuxigeenka Arrimaha Bulshada.
5. Maxamed Xuseen Isaaq (Qaadi) —G/Kuxigeenka Maamulka ahna Xoghayaha Gobolka.
Qaybta dambe ee wareegtada ayaa lagu sheegay in ay dhaqangalayso marka uu saxiixo madaxwayne, waana uu saxiixay.
“Magacaabistani waxay dhaqan galaysaa marka uu Madaxweynuhu sixiixo wuuna sixiixay” ayaa lagu yiri dhamaadka wareegtada.
Hadaba Magacaabistaasi kadib, garabka kale ee maamulka gobolka Gedo oo uu Hogaaminayo Axmed Buule Gareed Canjeex, ayaa qaaday talaabo lagu diidayo in Gudoomiyaha magacaaban uu gobolka tago.
Duulimaad uu ku tagi lahaa Dooloow ayaa Cabdullaahi Shimbir lagu xayiray Muqdisho kadib amar kasoo baxay Gudoomiye Canjeex oo diyaaradii qaadi lahayd ninkaan la amray in aysan kasoo qaadi karin Muqdisho.
Arintaan ayaa umuuqanaysa weji cusub oo markale ay galayso siyaasadda Gedo, lamana ogo halka uu ku dambeyn doono xaalka gobolkaasi.
Puntlandtimes
Xigasho: Puntland Times
