Puntlandtimes(Muqdisho) Wararka aanu ka heleyno Caasimadda dalka ee Muqdisho ayaa sheegaya, in xalay ay dhacday Mashaqo wayn oo ay ku nafwaayeen dhalinyaro beel ahaan is xiga.
Dhalinyaradaan oo dhalasho ahaan ku abtirsada beesha Degta Degmada Cadaado ee Gobolka Galgalduud, ayaa ku waxyeeloobay Qarax lagula eegtay qaybo kamid ah Degmada Hodan ee Gobolka Banaadir.
Qaraxaan oo ahaa Miino ayaa la sheegay in ay ku geeriyoodeen 3wiil oo dhalinyaro ah kuwaas oo aabayaashood ay ahaayeen Nabadoono Caan ka ahaa Muqdisho iyo gobollada kale ee dalka.
Magacyada dhalinyaradaan oo aan helnay ayaa kala ah
1. Dage Cabdi Cali Baale (Waxaa dhalay Nabadoon Cabdi Cali Baalle oo isna horay ugeeriyooday).
2. Cali-Xashi axmed Diiriye (Waxaa dhalay Nabadoon Axmed Diiriye oo isna horay u geeriyiiday).
2. Iyo Ina Cabdi Madoobe oo isna dhimashadiisa la xaqiijiyay.
Qaraxa ayaa la sheegay in uu ka dhacay banaanka Guri uu xaafadda Shiirkole ka daganaa Taliyihii hore ee Degmada Hodan, walloow aanu isaga waxyeelo kasoo gaarin qaraxaasi.
Ilaa iyo hadda lama ogo cid beegsiga u ahayd kooxda qaraxaan fulisay, waxaase xusid mudan in dhalinyarada geeriyootay uu mid kamid ah la dhashay gudoomiye ku xigeenka amniga iyo siyaasadda gobolka Banaadir Maxamed Axmed Diiriye “Yabooh”.
Puntlandtimes
Xigasho: Puntland Times
