MUQDISHO(P-TIMES) – Agaasimihii Nabadsugida & Sirdooonka iyo Latayihii Amniga Qaranka ee Madaxweyne Farmaajo Fahad Yaasiin ayaa warqad furan, markii u horeysay u diray Ra’iisulwasaaraha XFS Xamse Cabdi Barre, Fahad Yasiin qoraalkiisa wuxuu ciwaan uga dhigay “CADKAAD KU FADHIDO HANA CUNIN HANA CEEBEYNIN”
Qoraalkan, Fahad Yasiin wuxuu kaga hadlay habdhaqanka Xamse Barre, waxyaabaha horyaala iyo habdhaqanadii Raysalwasaarayaashii uga horeeyey kursigan oo uu qaar xusay magacyadooda, qaarna si kale uusan magacaabin.
Sababta warqad furan ugu diray Ra’iisulwasaaraha ayuu ku sheegay in uu yahay qof xil-Qaran haya, dhaqan siyaasadeedna ay tahay in madaxda warqad furan loo diro, waa markii koowaad ee qof darajadan oo kale gaaray dhanka Soomaaliya warqad furan u diro Ra’iisulwasaare xaafiiska jooga.
Xigasho: Puntland Times
