Madaxwaynaha Maraykanka Joe Biden ayaa saxiixay amar lagu fasaxayo in boqolaal ka tirsan ciidamada Maraykanka lagu soo celiyo Soomaaliya.
Ilaa 700 oo Askari oo kamid ah Ciidanka Mareykanka ayaa horey looga saaray Soomaaliya, kaddib go’aan kasoo baxay Madaxweynihii hore Donald Trump, maalmihii ugu dambeeyay ee xukunkiisa.
“Go’aanka dib u soo celinta joogitaanka joogtada ah waxaa la gaarey si loo kordhiyo badbaadada iyo waxtarka ciidamadeena oo aan awood u siinno inay bixiyaan taageero wax ku ool ah ” sida laga so xigtay afhayeenka Golaha Amniga Qaranka Adrienne Watson.
Go’aanka kasoo baxay Madaxweyne Joe Biden ayaa imaanaya xilli ay Soomaaliya yeelatay xalay Madaxweyne cusub, oo mar kale loo doortay Xasan Sheekh Maxamuud.
Xigasho: Puntland Times
