Dalka Soomaaliya waxa uu muddo fog ku jiray dagaallo wejiyo kala duwan lahaa, sidoo kalana waxaa sanadihii ugu dembeeyay dib usoo dhismayay dowladnimada, taas oo keentay in lasoo celiyo adeegyo badan oo muhiim u ahaa bulshada.
Dowladda Soomaaliya ayaa seddex sano kahor waxay hir-gelisay Machadka Daraasaadka Sare ee Amniga, waxaana lagu tababarayay shaqaalaha dowladda iyo saraakiisha ka shaqeysa nabad-gelyada dalka. waxaana sidoo kale uu sameeyaa machadkaasi cilmi baaris dhinaca ammaanka ah.
Intii uu shaqeynayay ayaa waxa uu soo saaray dufcadii ugu horreysay oo si cilmi ah amniga u baratay, haddaba maxay tahay aqoonta halkaasi taalla, muxuuse ka bedelay fikir ahaan dadkii wax ka bartay? Weriyaha VOa-da Cabdicasiis Barrow oo la kulmay Agaasimaha Machadka Daraasaadka Sare ee Amniga Dr. Maxamed Mooge ayaa waxa uu weydiiyay su’aalahaasi iyo kuwa kale.
Xigasho: VOA Somali
