Madaxweynaha Dawladda Federaalka Soomaaliya, Xassan Sheekh Maxamuud ayaa sheegay in Soomaaliya aysan awood u laheyn haatan dhismaha xisbiyo badan oo ku loollama talada dalka.
Isagoo ka hadlayay magaalada Muqdisho, ayuu sheegay Madaxweyne Xassan Sheekh in xisbiyada badan ay dabar ku noqonayaan dalka, maadama ay adag tahay in hal xisbi uu helo aqlabiyad uu kusoo dhisi karo Xukuumadda.
“Dalkaan in saddex, afar iyo shan xisbi yeesho talada dalku waa baahee, xukuumad uusan xisbina aqlabiyad heysan in inta ay noo dhisanto maalin kasta xukuumaddii waa dhacday la yiraahdo Soomaaliyada aan rabno in horey u socoto oo dabarka halaga furo leenahay bay dabar kusii xiraysaa” ayuu yiri Madaxweyne Xassan Sheekh Maxamuud.
Maalmo kahor, Golaha Wadatashiga Qaran oo ku shiray Muqdisho ayaa isla go’aamiyay in dalku aado doorasho qof iyo cod ah, uuna yeesho labo xisbi oo kali ah, kuwaas oo ku loollama talada dalka.
Xigasho: Puntland Times
