Wasiirka Wasaaradda Arrimaha Gudaha, Federalka & Dimuqraadiyeynta Puntland, Maxamed Cabdiraxmaan Dhabancad ayaa kulan la qaatay Ku-xigeenka Ergayga gaarka ah ee Qaramada Midoobey u qaabilsan Soomaaliya Anita Kiki Gbeho.
Kulanka ayaa looga hadlay guud ahaan xaaladda Soomaaliya gaar ahaan doorashadii Madaxweynaha JFS iyo xaaladda Abaaraha iyo gargaarka bini’aadannimada.
Deegaanada Puntland ayaa kamid ah dhulka Soomaalida ee sida weyn ay u saameeyeen abaarihii dhowaan ku dhuftay Soomaaliya. Mana jirto wax gurmad ah oo ay ka heshay Dowladda Federaalka Soomaaliya iyo Beesha caalamka.
Xigasho: Puntland Times
