Kismaayo (Halqaran.com) – Waxaa xalay magaalada Kismaayo lagu dilay Allaha u naxariistee Taliye ku xigeenkii guutada 11-aad, qaybta 43-aad ee ciidanka xoogga dalka Ismaaciil Sheekh Isxaaq iyo laba gabdhood oo Awoowe uu u ahaa.
Ilo wareedyo dhanka ammaanka ah ayaa xaqiijiyay, in sarkaalka iyo labadaas gabdhood lagu dilay qarax miino oo guriga loogu xiray.
Sidoo kale, seddax qof oo isla qoyska ah ayaa ku dhaawacmay qaraxaas, kuwaas oo xaaladooda caafimaad lagu dabiibayo isbitaalka weyn ee magaalada Kismaayo.
Ciidamada ammaanka ayaa baritaano culus ka wada xaafadda Guul-wade ee magaalada Kismaayo oo ah xaafadda uu ku yaallo guriga lagu qarxiyey qoyskaan, waxayna baacsanayaan dhagarqabayaashii fuliyey qaraxaas.
Xafiiska Wararka Halqaran.com
Halqarannews@gmail.com
Xigasho: HalQaran
