Madaxweynaha Puntland, ahna Musharrax Madaxweynaha DFS Siciid Cabdullaahi Deni, ayaa caawa kulan la qaatay Guddoomiyihii hore ee Golaha Wakiillada Dowladda Puntland Cabdixakiim Maxamed Axmed Dhooba-daareed, kaas oo lagu riday mooshin uu Siciid Deni soo abaabulay.
Kulanka oo ka dhacay hoyga uu Muqdisho ka degay yahay Siciid Cabdullaahi Deni ayaa looga hadlay xaalada dalka gaar ahaan arrimaha doorashada Madaxweynaha.
“Waxaa caawa booqasho noogu yimi Guddoomiyihii hore ee Golaha Wakiillada Dowladda Puntland Cabdixakiim Maxamed Axmed Dhooba-daareed, waxaan iska wareysanay guud ahaan xaaladda dalka. waxaan uga mahadcelinaya kulanka iyo wakhtiga aan wada qaadanay.”
Dhooba-daareed oo bishii November lagu riday mooshin dhiig ku daatay ayaa saldhig ka dhigtay dalka Turkiga. Waxaana uu dhaliilo joogto ah u jeedin jiray Madaxweyne Deni. Balse heshiis hoose oo dhexmaray labada Nin ayaa soo afmeeray mucaaradnimadaas.
Xigasho: Puntland Times
