Madaxweynaha Jamhuuriyadda Federalka Soomaliya Mudane Xasan Sheekh Maxamuud ayaa la kulmay maanta wakiilka gaarka ah ee Qaramada Midoobey ee Soomaaliya Ambassador James Swan.
Kulanka ayaa looga hadlay xaalada dalka iyo sida ugu wanaagsan ee Qaramada Midoobay ay u sii wadi karto taageerada ay siiso Soomaaliya iyo dadkeeda.
Danjire James Swan ayaa sheegay in uu ku faraxsan yahay in uu maanta Muqdisho kula kulmo oo uu si shakhsi ah ugu hambalyeeyo Madaxweynaha dhowaan la doortay ee Soomaaliya Xasan Sheekh Maxamuud.
Xigasho: Puntland Times