Madaxweynaha la doortay ee JFS Hassan Sheikh Mohamud ayaa kulan la qaatay Taliyaha Ciidanka Xoogga dalka Gen. Odawaa Yuusuf Raagge iyo Taliyaha Ciidanka Booliska Soomaaliyeed Gen. Cabdi Xasan Xijaar.
Kulanka ayaa looga hadlay Amniga guud dalka, gaar ahaan la-dagaallanka Argagixisada. Taliyayaasha ayaa Madaxweynaha ka siiyay warbixin xaalada Amni ee dalka iyo qorshayaasha hortabinta leh ee xilliga kala-guurka.
Madaxweyne Xasan Sheekh Maxamuud ayaa sheegay in Amnigu uu yahay muhiimadda kowaad ee Dowladda uu hoggaamiyo.
“Waxaan kulan la qaatay taliyeyaasha Xoogga iyo Booliska Soomaaliyeed. Waxaan ka dhageystay warbixinta guud ee amniga dalka iyo qorshayaasha hortebinta leh xilliga kala guurka. Amniga waa muhiimmadda koowaad ee dowladda.”
Xigasho: Puntland Times
