Musharrax Cabdikariim Xuseen Guuleed, oo kamid ahaa 39 Musharrax oo u taagan Madaxweynaha DFS ayaa ku dhawaaqay in uu u tanaasulay Musharrax Madaxweyne Cabdiraxmaan Cabdishakuur Warsame.
Cabdiraxmaan Cabdishakuur iyo Cabdikariim Guuleed, ayaa wadaaga heyb. Waxaana ay noqon doonaan labadii Musharrax ee ugu horeysay ee isku dhari ah oo ku dhawaaqa inay isku tanaasuleen, si guulo looga gaaro doorashada Madaxweynaha 10-aad ee Jamhuuriyadda Federaalka Soomaaliya.
“Waxaan u mahadcelinayaa walaalkeey C/kariin Xuseen Guuleed oo ii tanaasulay si guul looga keeno tartanka doorashada madaxtinnimada. Waxaan kaloo u mahadcelinayaa Madaxweynaha Galmudug, Axmed Cabdi Kaariye, xildhibaannada, Senatorrada, odoyaasha, siyaasiyiinta iyo ganacsatada hawshaas qaybta ka ahaa.”
Xigasho: Puntland Times
