Puntlandtimes(Garoowe) Guddiga Doorashada Puntland ayaa soo gabagabeeyay ku dhawaaqista natiijada doorashadii ka dhacday 25kii May inta badan Gobollada Dowlada Puntland.
Guddiga ayaa sheegay in cododka ugu badan iyo kuraasta ugu badan uu helay Xisbiga Kaah halka Mideeye uu galay kalainta 2aad dhamaan cododkii la dhiibtay.
Ururka Kaah oo uu hogaamiyo Madaxwayne Deni ayaa ku guuleeystay kuraasta 286 Xildhibaan oo laga soo doortay 30kii degmo ee ay doorashadu ka dhacday maalin kahor.
Xisbiga Mideeye ayaa isna helay 211 kursi halka ururada kale ee soo haray ay heleen codod intaasi kayar.
Hadaba waa kuwee 5ta urur ee helay cododkii ugu badnaa ee la dhiibtay?
Halkaan hoose ka akhri Codadka la kala heley:
1. Kaah – 67,893
2. Mideeye – 48,062
3. Sincad – 28,985
4. Mustaqbal – 15,069
5. Ifiye – 12,864
Shabtaas urur ayaa helay cododka ugu badan waxaana marka loo eego cododkooda ay ku guuleeysteen kuraas sidaan udhigan:-
1. Kaah – 286 xildhibaan
2. Mideeye – 211 xildhibaan
3. Sincad – 133 Xildhibaan
4. Ifiye – 78 xildhibaan
5. Mustaqbal – 57 xildhibaan
Marka laga soo tago 5taas urur aan xusnay waxaa xusid mudan in ay jireen ururo kale oo tartanka kujiray wallow ay heleen codod aad uhooseeyo.
Puntlandtimes
Xigasho: Puntland Times
