Dagaalo goos goos ah ayaa ka soconaya caasimadda Galmudug ee Dhuusamareeb, kuwaas oo u dhexeeya Ciidanka Galmudug iyo Ciidanka DFS oo isku dhinac ah, iyo Xoogaga Ahlu-sunna.
Wararka ayaa sheegaya in dagaalka oo sababay khasaare dhimasho iyo dhaawac ah, uu yimid kaddib markii dagaalamayaasha Ahlu-sunna ay qabsadeen qeybo kamid ah magaalada Dhuusamareeb.
Labada dhinac ee ku dagaalamaya gudaha magaalada Dhuusamareeb ayaa mid walba waxa uu guulo ka sheegtay dagaalka. Sidoo kale xaafado kamid ah caasimadda Galmudug ayaa waxaa ka soconaya barakac xooggan,
Sarkaal u hadlay kooxda Ahlusunna ayaa sheegay inay qabsadeen inta badan xaafadaha Dhuusamareeb, ayna rajeynayaan in si dhameystiran ula wareegaan magaalada. Dhanka kale, Guddoomiye kuxigeenka degmadda Dhuusamareeb ayaa sheegay inay iska caabiyeen maleeshiyaad kamid ah Ahlusunna oo kusoo duulay caasimadda Galmudug.
Xigasho: Puntland Times
