Gaalkacyo Halqaran.com) – Madaxweyne ku-xigeenka Puntland Axmed Cilmi Cismaan Karaash ayaa dhawaan xilka qaadis ku sameeyay saddex kamid ah Wasiirada Maamulkaas, isagoo kuwo cusub magacaabay, balse weli Wasiirada cusub ee la magacaabay ayaan xilka la wareegin.
Wafdi uu hoggaaminaayo Wasiirka Wasaaradda Maaliyadda Puntland ahna Guddoomiyaha guddigga dib u-habeynta Ciidamada Xasan Shire Cabdi iyo Taliyaha Ciidamadda Difaac Puntland Gen. Yaasin Cumar dheer ayaa Gaaray Magaalada Gaalkacyo ee xarunta Gobolka Mudug.
Ujeedka safarka Wasiir Xasan Shire Abgaal ee Gaalkacyo ayaa waxaa uu yahay mid la xiriira tababar loo soo xirayo cutubyo ka tirsan Ciidamada Difaaca Puntland oo muddo tababar uga socday Ddugsiga tababarka Gen. Careys ee Magaalada Gaalkacyo.
Waxaa ay u muuqataa in aysan dhaqan gelin wareegtooyinkii xilka qaadista ahaa ee uu dhawaan soo saaray kusimaha ahna Madaxweyne kuxigeenka Puntland, iyada oo Wasiiradii uu xilalka ka qaaday ay si caadi ah u wataan Shaqadooda.
Xafiiska Wararka Halqaran.com
Halqarannews@gmail.com
Xigasho: HalQaran
