Antonio Rudiger ayaa hoos u dhigay soo jeedinta ah in ka tagistiisa Chelsea ay qeyb ka tahay cunaqabateyn dhawaan lagu soo rogay kooxda.
Tan ilaa bishii March kooxda chelsea ayaan awood u lahayn in ay wadahadalo heshiis kordhin ah la yeelato xiddigaha heshiiskoodu dhacayo dhamaadka xilli ciyaareedkan.
Tuchel ayaa xaqiijiyay in uu Rudiger isaga tagi doono kooxda chelsea isaga oo heshiis la gaadhay kooxda Real Madrid.
Si kasta ha ahaatee xiddiga 29 jirka ah ayaa sheegay in uu chelsea uga tagayo si uu tartan cusub uga qayb qaato laakiin aanay ka tagistiisa Blues wax lug ah ku lahayn cunaqabataynta saaran kooxda.
Isagoo la hadlayay football.london, Rudiger ayaa yiri: “Ma doonayo inaan galo waxyaabo qoto dheer, waxaa jirtay fursad laakiin cunaqabateyntu ma ahayn dhibaatada”.
“Kaliya hal dhinac ma ahan laakiin labada dhinaca, chelsea waxa ay ahayd koox ii fiican laakiin waxa aan doonayaa in aan ka ciyaaro tartan cusub”ayuu sii raaciyay.
Xigasho: Kooxda
