Halyeeyga Kooxda Arsenal ee Paul Merson ayaa saadaaliyay kulanka adag ee caawa dhexmari doona kooxaha Arsenal iyo Tottenham kulan ka tirsan premier League.
Labada kooxood ayaa ku dagaalamaya kaalinta 4-aad ee loogu soo boxo champions League xilli ciyaareedka dambe iyada oo ay koox walba doonayso in ay badiso kulanka.
“Kulanka Waqooyiga London ayaa ah mid ka mid ah kulamada ugu xiisaha badan taariikhda horyaalka Premier League waxaana markan xamaasada kulanka kor u qaadaysa in ay labada kooxood isku baacsanayaan kaalinta 4-aad”.
“Marka la eego sida ay labada kooxood isku diyaarinayaan way adagta in hal koox loo saadaaliyo in ay badinayso ama ay guusha gaadhayso”.
“Tottenham waa koox aad u fiican laakiin waa arin la yaab leh marka aad aragto in ay ku jiraan kaalinta 5-aad inkasta oo ay laba kulan ka badiyeen Man City sidoo kale bar-baro la galeen Liverpool, wali waxa ay haystaan fursad ay wax ku saxaan laakiin bar-baro kale oo ay galaan waxa uu ka lumin doonaa fursad weyn”.
“Hadii kulanka North London Derby ku dhamaado bar-baro, Arsenal waxa ay u baahantahay kaliya in ay badiso hal kulan 2-da ulan ee u hadhay si ay ugu xoo baxdo champions League, hadii ayna sidaas samayn karin uma qalmaan in ay ku soo baxaan kaalinta 4-aad”.
“Hadii ay Arsenal guuldaro la kulanto waxa aan odhan karaa Tottenham ayaa ugu cad-cad kaalinta 4-aad, waxana ay ku xidhnaan doontaa waxyabo badan Sidaas darteed waynu sugi doonaa sid ay wax u dhacaan”.
“Tottenham ayaa u baahan guul marka loo bar-bar dhigo Arsenal hadii ay ciyaartu 0/0 ahaato waxa aan saadaalinayaa in ay Arsenal bar-baro kala baxdo kulanka waxana aan saadaalinayaa in uu kulanku ku dhamaan doono bar-baro 1/1 ah”
Xigasho: Kooxda
