Cesc Fabregas tafaasiil ka bixiyay waxa ay kooxda Mikel Arteta ee Arsenal u baahan tahay inay samayso si ay uga badiso kooxda Tottenham caawa kulan ka tirsan premier League.
Labada kooxood ee ku xifaaltama woqooyiga magaalada London ayaa fooda isdari doona garoonka Tottenham Hotspur Stadium kulan muhiim u ah tartanka loogu jiro kaalinta 4-aad.
Gunners ayaa haatan ku jirta kaalinta 4-aad iyaga oo 4 dhibcood ka horeeya kooxda Tottenham iyada oo 3 kulan ka dhimantahay dhamaadka xilli ciyaareedka.
Fabregas oo ka soo hoos ciyaaray Conte markii uu joogay chelsea ayaa Arsenal u sheegay in ay u baahantahay cadaadis badan si ay uga badiyaan kooxda Tottenham.
“Waan hubaa in Mikel uu si fiican u falanqeeyo kooxda ka soo horjeeda, laakiin Arsenal waxay u baahan doontaa cadaadis badan hadii ay u baahanyihiin in ay ka badiyaan Tottenham”ayuu yidhi xiddigii hore ee chelsea.
“Waan garanayaa sida saxda ah ee uu Antonio u shaqeeyo, si fiican ayaan u garanayaa qaab ciyaareedkiisa”.
Xigasho: Kooxda
