Waxa fooda inagu soo haya suuqa kala iibsiga xagaaga iyada oo kooxuhu isu diyaarinayaan in ay suuqa u galaan xoojinta kooxhooda si ay ugu diyaar garoobaan xilli ciyaareedka cusub.
Iyada oo suuqu furmi doono bisha dambe kooxaha ayaa isku diyaarinaya in ay haatanba bilaabaan dadaalda ay saxiixyada ay doonayaan in ay ku xoojiyaan kooxohooda.
Kooxda Real Madrid ayaa isku diyaarinaysa in ay ku dhawaaqdo saxiixa Jude Bellingham todobaadka dambe (Marca).
Xiddiga khadka dhexe ee kooxda West Ham Decland Rice ayaa doortay in uu ku biiro Arsenal xagaaga isaga oo iska diiday Man United (Mirror).
Man United ayaan wali dalab ka gudbin saxiixa xiddiga khadka dhexe ee kooxda chelsea Mason Maunt kaas oo ay Blues ku qiimayso 55 milyan (Independent).
Kooxda chelsea ayaa isku diyaarinaysa in ay iska iibiso Goolhayaha kooxda ee Edouard Mendy (90min).
Kooxda Man City ayaa qiimo 40 milyan ah dul dhigtay xiddiga daafaca bidix uga ciyaara ee Joao Cancelo xilli ay Barcelona doonayso saxiixiisa (Sport).
Man City ayaa diyaar u ah in ay Cancelo u adeegsato soo xero galinta xiddiga khadka dhexe ee kooxda Bayern Munich ee Joshua Kimmich (90min).
Xiddiga weerarka uga ciyaara Real Madrid ayaa xaqiijiyay in uu isaga tagi doono Real Madrid waxana uu ku dhawyahay in uu ku biiro kooxda PSG (ESPN).
Chelsea ayay u badan tahay inay la soo wareegto garabka Paris Saint-Germain Neymar xagaagan ka dib wadahadalo cusub oo dhexmaray milkiilaha Todd Boehly iyo madaxweynaha PSG Nasser Al-Khelaifi, iyadoo Mauricio Pochettino uu u furan yahay inuu dib ula midoobo xiddiga reer Brazil (ESPN).
Manchester United ayaa soo bandhigtay xiisaha ugu badan ee ku aadan saxiixa goolhayaha Porto Diogo Costa laakiin labada kooxood ee Bayern Munich iyo Tottenham ayaa isha ku haya sida ay wax u socdaan (Record).
Carlo Ancelotti ayaa doonaya in Real Madrid ay la soo wareegto weeraryahan caan ah si uu ula tartamo Karim Benzema, waxaana uu bartilmaameedkiisa 1-aad ka dhigtay xiddiga Tottenham Harry Kane (AS).
Arsenal ayaa doonaysa in ay la soo saxiixato xiddiga khadka dhexe ee Brighton Moises Caicedo laakiin tababare Mikel Arteta ayaa isha ku haya in uu xiddiga reer Ecuador u badalo daafac midig (Football Transfers).
West Ham ayaa isha ku heysa inay lasoo saxiixato daafaca bidix ee Arsenal Nuno Tavares marka uu dhamaado amaahda uu kula joogo Marseille (Record).
Liverpool, Manchester United iyo PSG ayaa dhamaantood la filayaa inay dalab 30 milyan euro ah ka gudbiyaan daafaca dhexe ee kooxda Torino Perr Schuurs. (Tuttosport)
Related
Xigasho: Kooxda
