Bukayo Saka ayaa qirtay in uuna Rumaysan kari sidii ay Arsenal u liidatay kulankii ay guuldarada kala kulmeen kooxda Newcastle kulan ka tirsanaa premier league.
Inkasta oo ay guuldaro kala kulantay Tottenham todobaadkii hore hadana rajada Arsenal ee kaalinta 4-aad ayaa ahayd mid ay gacanta ku haystaan ka hor kulankii Newcastle.
Guul ay ka gaadhaan Newcastle iyo Everton ayaa kaga filnayd in ay u soo baxaan champions League xilli ciyaareedka dambe.
Laakiin kooxda Mikel Arteta ayaa guuldaro 2/0 ah kala kulantay Newcastle United haadana waxa gacanta ka baxday fursadooda u soo bixista champions league xilli ciyaareedka dambe.
Saka ayaana sheegay in ay ceeb tahay in ay Arsenal bur-burtay wakhtigii muhiimka u ahaa kooxda xilli ciyaareedka.
“Guud ahaan waxa jira niyad jab iyo qalbi jab, ma rumaysan karo sidii xumayd ee aan u ciyaarnay kulankii Newcastle”ayuu Saka yidhi.
“Waxa aan luminay dhamaan kubadihii lagu dagaalmayay, kubadihii 2-aad si fiican umaan ciyaarin guud ahaan, waxa aan ka niyad jabsanahay qaab walba oo ciyaarteena ah”.
“Waxan u Malaynayaa in ay na dhaawacici doonto waxa aan ogahay sida ay taageerayaasha muhiim ugu tahay”ayuu sii raaciyay
Xigasho: Kooxda
