Kooxda chelsea ayaa bar-baro kala kulantay Everton kulan ka dhacay Stamford Brdige kulan ka tirsanaa premier League iyada oo Blues iska lumisay dhibco muhiim ah.
Chelsea ayaa kulanka maamulaysay iyaga oo ahaa kooxda fiican kana awood badnaa Everton kuwaas oo difaac ku jiray oo weeraro rogaal celis qaadasay.
Blues ayaa samaynaysay fursado joogto ah iyaga oo Everton ku qasbay in ay daafac galaan isla markaas kaliya adeegsadaan weerar rogaal celis ah.
Qaybta hore ee ciyaarta ayaa ku dhamaatay bar-baro gool la’aan ah inkasta oo ay Chelsea u qalantay in ay dhaliso goolal marka la eego fursadaha ay samaynaysay.
Kooxda chelsea ayaa qaybtii dambe ku bilaabatay si dar-dar leh iyaga oo doonayay in ay dhaliyaan gool ay ciyaarta hogaanka ugu qabtaan ciyaarta.
Daqiiqadii 52-aad ee ciyaarta ayay chelsea hogaanka u qabatay waxana dhaliyay xiddiga Joaa Felix kaas oo hogaanka u dhiibay kooxdiisa ciyaartana ka dhigay 1/0.
Kooxda Everton ayaa bilowday in ay raadiso goolka bar-baraha xilli ay chelsea daafac gashay si ay goolka u ilaashato.
Daqiiqadii 69-aad ayay Everton dhalisay goolka bar-baraha waxana u dhaliyay xiddiga Abdoulaye Doucoure kaas oo ciyaarta ka dhigay 1/1 ay labada kooxood dhaliyeen min hal gool.
Kooxda chelsea ayaa mar kale bilowday in ay ciyaarta hogaanka u qabatay iyaga oo qaadayay weeraro aan kala joogsi lahayn.
Chelsea ayaa daqiiqadii 76-aad dhalisay goolka 2-aad waxana rikoodhe gool u badalay xiddiga Kai Havertz kaas oo ciyaarta hogaanka u dhiibay kooxdiisa ciyaartana ka dhigay 2/1.
Everton ayaa dhinaceeda bilowday raadinta goolka bar-baraha xilli uu Graham Potter badal ku sameeyay xiddigaha muhiimka u ahaa kooxdiisa si uu u ilaashado goolka.
Laakiin Everton ayaa daqiiqadii 89-aad dhalisay goolka bar-baraha waxana u dhaliyay xiddiga Ellis Simms kaas oo kooxdiisa ku soo celiyay ciyaarta.
Waxa sidaas ku dhamaatay ciyaarta oo ay Chelsea iyo Everton ku kala bexeen bar-baro 2/2 ah xilli Blues iska lumisay 2 dhibcood oo muhiim ah.
Related
Xigasho: Kooxda
