Kubad sameeyaha Manchester City Kevin De Bruyne ayaa u doortay weeraryahanka Manchester United Cristiano Ronaldo inuu yahay Xiddiga uu dooran lahaa in uu ka garab ciyaaro marka loo bar-bar dhigo xiddiga PSG ee Lionel Messi.
Waraysi uu siiyay Wow Hydrate, De Bruyne ayaa la waydiiyay su’aalo badan oo gaaban waxana la waydiiyay midka uu doorbidi lahaa in uu ka garab ciyaaro xiddigaha Ronaldo iyo Messi.
Labada xiddig ee Ronaldo iyo Messi ayaa inta badan lagu murmaa midka fiican iyada oo labada xiddig ka mid yihiin xiddigaha ugu fiican 20-kii sano ee ugu dambeeyay.
“Waxa aan dooranayaa Ronaldo sababta oo ah weeraryahan caadi ah, Messi wali waa kubad sameeye, aniguna waxa aan ahay kubad sameeyo sidaas darteed waxa aan dooranayaa Ronaldo”ayuu De Bruyne.
Xiddiga khadka dhexe ee Kevin De Bruyne ayaa ku jira qaab ciyaareed cajiib ah xilli ciyaareedkan waxana uu dhaliyay 19 gool halka uu caawiye ka noqday 13 kale 44 kulan oo tartamada oo dhan ah.
Xigasho: Kooxda
