Kooxda Man City ayaa guul ay u qalantay ka gaadhay kooxda Wolves iyada oo Erling Haaland soo celiyay wacdarihiisii kana baxay abaartii goolasha.
Haaland oo aan kulamadii ugu dambeeyay wax gool ah dhalin ayaa kooxdiisa ku hogaamiyay guul muhiim u ah tartanka horyaalka premier League.
Wolves ayaa kulanka ku soo gashay qorshe cad oo ahaa in ay difaacato ilaa dhamaadka ciyaarta isla markaas qaado weeraro rogaal celis ah.
Man City ayaa dhinaceeda cadaadis waali ah saartay kooxda Wolves iyaga oo doonayay in ay hogaanka u qabtaan ciyaarta.
Qprshihii Wolves ayaa kala dhacay daqiiqadii 40-aad kadib markii uu Erling Haaland hogaanka u dhiibay kooxdiisa ciyaartana ka dhigay 1/0.
Waxa sidaas ku dhamaatay qaybta hore ee ciyaarta oo ay Man City ahayd kooxda fiican laakiin kaliya dhalisay hal gool oo kaliya.
Qaybta dambe ayay Man City si dar-dar leh ku bilaaatay ciyaarta waxana ay raadinayeen goolal ay ciyaarta ku dilaan.
Man City ayaa daqiiqadii 50-aad Heshay Rikoodhe waxana gool u badalay xiddiga Haaland kaas oo dhaliyay goolkiisii 2-aad ee ciyaarta iyo goolkii 2-aad ee kooxdiisa.
Wolves ayaa wixii intaas ka dambeeyay u muuqatay kuwo niyad jabay waxana ay sameeyeen khaladaad dhinaca daafaca ah oo hali galiyay kooxda.
Daqiiqadii 54-aad ayay sameeyeen khalad dilaa ah oo uu ka faa’iidaystay xiddiga Riyad Mahrez kaas oo kubada u dhiibay xiddiga Erling Haaland kaas oo gool u badalay ciyaartana ka dhigay 3/0.
Wixii intaas ku dambeeyay Man City oo hubta in ay xaqiiqsatay natiijada ciyaarta ayaa iska ciyaaraysay baas-baas ay wakhtiga ku luminayaan maadama ayna dadaal aad ah u baahnayn haatan.
Waxa sidaas ku dhamaatay ciyaarta oo ay Man City guul muhiim ah ka gaadhay Wolves isla markaas ku dhawaatay kooxda Arsenal oo ay haatan 5 dhibcood ka dambayso.
Xigasho: Kooxda
