Jurgen Klopp ayaa hoos u dhigay fursadaha Kooxdiisa Ee Horyaalka Premie rLeague inkasta oo ay Man City dhibco Lumisay kulankii West Ham.
Kooxda Pep Guardiola ayaa bar-baro 2/2 ah la gashay West Ham taas oo la macno ah in ay Liverpool hal dhibic ka dambayn doonto Man City hadii ay badiso kulanka Southampton ee Salaasada.
Si kasta ha ahaatee Man City ayaa maalinta ugu dambaysa la ciyaari doonta Aston Villa Klopp ayaana sheegay in ay Man City si fudud u badin doonto kulankaas.
“Ma jirtaa fursad ay Liverpool ku guulaysan karto horyaalka? Ma odhan karo way jirtaa, ayuu Klopp ku jawaabay markii la waydiiyay fursadaha kooxdiisa ee horyaalka.
“Ma garanayo markii ugu dambaysay ee ay Man City dhibco lumisay laba kulan oo xidhiidh ah, Villa-na waxa ay ciyaari doontaa bartamaha todobaadka sidaas darteed ma filayo in ay Man City dhibco lumiso”ayuu sii raaciyay.
Xigasho: Kooxda
