Waxa la soo saaray shaxda ugu fiican xilli ciyaareedka horyaalka Ligue 1 ee dalka France iyada oo la galay kulankii ugu dambeeyay ee xilli ciyaareedka.
Xiddigaha kooxda PSG ee Lionel Messi iyo Neymar ayaa ka maqan shaxda ugu fiican horyaalka xilli ciyaareedka inkasta oo ay ka mid yihiin xiddigaha ugu fiican kooxda PSG.
Kooxda PSG ee ku guulaystay horyaalka Ligue 1 ayaa shaxda ku leh xiddigaha ugu badan iyaga oo ku leh 4 xiddig kadib qaab ciyaareed fiican oo ay soo bandhigeen.
Sidoo kale shaxda ka soo muuqday xiddiga ay kooxda Arsenal iska nacday ee William Saliba kaas oo sidoo kale ku guulaystay da’yarka ugu fiican xilli ciyaareedka.
Lionel Messi oo si weyn ugu dhibaatooday horyaalka Ligue 1 xilli ciyaareedkan ayaan ka soo muuqan shaxda kadib markii uu soo bandhigi waayay qaab ciyaareedkii laga filayay.
Kooxda Monaco ayaa shaxda ku leh 2 xiddig halka kooxda Fc Lenz ay sidoo kale shaxda ku leeyihiin laba xiddig halka ay kooxda Marseille ku leedahay hal xiddig.
Xigasho: Kooxda
