Kooxda Man City ayaa diiday dalabkii ay Arsenal ka gudbisay saxiixa xiddiga weerarka ka ciyaara ee Gabriel Jesus sida ay sheegayaan wararku.
Arsenal ayaa Man City ka gudbisay dalab Rasmi ah oo dhan 50 milyan oo euro si ay u hesho saxiixa xiddiga Gabriel Jesus kaas oo ay doonayso in ay ku xoojiso weerarkeeda.
Laakiin Man City ayaa diiday Dalabka Arsenal sabab la xidhiidha in uu dalabkaas ka hooseeyo qiimaha ay doonayaan in ay ku iibiyaan xiddiga reer Brazil.
Man City ayaa ku iibinaysa xiddiga Jesus lacag dhan 60 milyan oo euro sidaas darteed ay diiday dalabka Arsenal ee 50 milyan ah waxana ay u sheegtay in ay kor u qaado dalabkooda.
Arsenal ayaa Jesus ka dhigatay bartilmaameedka ugu weyn ee dhinaca weerarka maadama ay waayi doonaan xiddigaha weerarka uga ciyaara haatan kuwaas oo kooxda ka tagi doono xagaaga.
Xigasho: Kooxda
