Dhaawaca Alejandro Garnacho ayaa ka sii xumaan kara sidii markii hore la filayay iyadoo weeraryahanka uu seegi doono kulamada fasaxa caalamiga ah ee xulkiisa Argentina.
18-sano jirkaan ayaa la soo galiyay qeybtii labaad ee ciyaarta kulankii Southampton ee axadii waxana soo gaadhay dhaawac uu kala kulmay xiddiga kooxda Southampton ee Kyle Walker-Peters.
Xiddiga ayaa lagu sameeyay daawayn ka hor inta aan lagu badlin xiddiga Fred daqiiqadihii ugu dambeeyay ee ciyaartu socotay.
Erike Ten Hag ayaa ciyaarta kadib sheegay in uu dhaawac halis ah ahaa isla markaas uu seegi doono kulamada Real Betis iyo Fulham ka hor fasaxa xulalka.
Garnacho ayaa markii ugu horeysay looga yeeray xulka qaranka Argentina isaga oo doonayay in uu ciyaaro kulamada Panama iyo Curacao 23-ka March iyo 28-ka March.
Laakiin TyC Sports ayaa hadda soo warinaysa in da’yarku qarka u saaran yahay inuu seego kulamadaas, iyadoo dhaawaca soo gaaray axadii uu ka daran yahay sidii markii hore laga cabsi qabay kadib markii uu maray baadhitaano dheeraad ah.
Related
Xigasho: Kooxda
