Robert Lewandowski ayaa lagu soo waramayaa in uu ku wargaliyay Bayern Munich in uuna heshiis cusub u saxiixi doonin kooxda waxana uu heshiis la gaaray kooxda Barcelona.
Heshiiska weeraryahanka ee haatan ayaa dhici doona xagaaga 2023 waxana si weyn loola xidhiidhinayaa Barcelona todoaadyadii ugu dambeeyay.
TV-ga laga leeyahay dalka Poland ee TV Sport ayaa sheegaya in uu xiddiga 33 jirka ah Bayern Munich u sheegay in uu isaga tagi doono kooxda isla markaas uu heshiis shaqsiga ah la gaadhay Barcelona.
Waxa la sheegayaa in uu weeraryahanku ogolaaday heshiiska ay u soo bandhigtay Barcelona xilli ay kooxda Bayern Munich isku diyaarinayso bixitaankiisa.
Xiddiga Lewandowski ayaa qaab ciyaareed cajiib ah ku jira sanadihii ugu dambeeyay isaga oo xilli ciyaareedkan dhaliyay 46 gool 40 kulan o uu ciyaaray tartamada oo dhan.
Xigasho: Kooxda
