Tababaraha soo socda ee Manchester United Erik ten Hag ayaa lagu soo waramayaa in haatanba lagu war galiyay in 3 ka mid ah xiddigaha khadka dhexe ee Bartilmaameedka u ah kooxda ay iska diideen in ay yimaadaan Old Trafford.
Xiddiga kooxda Borussia Dortmund ee Jude Bellingham, Xiddiga Leeds United ee Kalvin Philips iyo xiddiga West Ham ee Declan Rice ayaa bartilmaameed u ahaa Man United marka la gaadho suuqa xagaaga.
Si kasta ha ahaatee sida laga soo xigtay wargayska Star Sport, dhamaan 3-daas xiddig ayaa iska diiday in ay Man United ku biiraan marka la gaadho suuqa kala iibsiga xagaaga.
Dortmund ayaa diiday in ay iska iibiso xiddiga Bellingham maadama ay iska iibisay xiddiga Haaland, Halka Phillips uu iska diiday Man United sabab la xidhiidha xafiiltanka taariikheed ee ka dhexeeya Man United iyo Leeds.
Ugu dambayn Rice ayaa iska diiday Man United sabab la xidhiidha in uu doonayo in uu ku biiro koox ka ciyaarta champions League xilli ciyaareedka dambe.
Xigasho: Kooxda
