Virgil van Dijk ayaa aaminsan in ay Liverpool wajahayso shaqo adag oo ah xoojinta kooxda marka la gaadho suuqa xagaaga.
Laakiin waxa uu sheegay in ay Xiddigaha Liverpool caawiyaan kooxda si ay saxiixyo cusub u samayso una soo baxaan champions League xilli ciyaareedka dambe.
Daafaca reer Holland ayaan ka xishoon in uu sheego in kooxda Jurgen Klopp ay u baahan yihiin xoojin dhamaadka xilli ciyaareedka maadama ay haatan koob la’aan ku dhamaysanayaan xilli ciyaareedka.
“Sida iska cad xiddigo ayaa ka tagi doona kooxda”ayuu Van Dijk yidhi.
“Hadii ayno doonayno in aan ku soo laabano halkii aan joognay 5-tii sano ee ugu dambaysay waa in aan kooxda xoojino oo samayno saxiixyo cusub”.
“Waxa aan aaminsanahay in ay iska cadahay laakiin way adkaan doontaa si aan u helno xiddigaha saxda ah laakiin kooxdu waa in ay shaqadooda qabsato”.
“Weli waxaan heysanaa kulamo badan oo aan u ciyaari karno, waxaana dooneynaa inaan ka qeyb galno Champions League. Waxaan u maleynayaa inay taasi sidoo kale caawin doonto soo jiidashada ciyaartoyda ugu fiican adduunka. Ma aha mar walba laakiin hubaal way caawin doontaa. “
Related
Xigasho: Kooxda
