Daafaca kooxda Barcelona Ronald Araujo ayaa dhawaan sheegay inuu jeclaan lahaa inuu Lionel Messi dib ugu soo laabto Camp Nou.
Messi ayaa haatan ku jira bilihii ugu dambeeyay ee heshiiskiisa kooxda PSG ilaa haatana wax heshiis cusub ah uma saxiixin kooxda.
Waxaa jira warar baahsan oo Messi la xiriirinaya inuu dib ugu laabanayo Blaugrana. Araujo, oo ka mid ahaa ciyaartoyda ugu kalsoonida badan kooxda reer Catalonia xilli ciyaareedyadii u dambeeyay, ayaa doonaya inuu dib u arko xiddiga reer Argentina.
“Waxaan jeclaan lahaa inaan arko Messi oo ku soo laabtay Barcelona, Waa xiddiga ugu fiican adduunka, waxana uu naga caawin doonaa ku guulaysiga champions League, waxa aan la leeyahay xidhiidh fiican”.
Messi ayaa ka tagay kooxda Barcelona kadib markii uu dhacay heshiiskii uu kula jiray kooxda isla markaas ay kooxdu awoodi wayday in ay heshiis cusub ka saxiixato.
Related
Xigasho: Kooxda
