Madaxweynaha La Liga Javier Tebas ayaa ka hadlay suurtogalnimada ay Real Madrid ugu dhaqaaqi karto saxiixa xiddiga kooxda PSG ee Kylian Mbappe.
Los Blancos ayaa isku dayday Saxiixa xiddiga 24 jirka ah xagaagii laakiin waxa ay ku fashilantay in ay hesho saxiixa xiddiga inkasta oo ay xagaagii hore dalabyo waali ah ka gudbisay saxiixiisa.
Real Madrid ayaan halkaas kaga hadhin xiisaha xiddiga waxana la filayaa in ay mar kale isku dayday in ay u dhaqaaqdo saxiixa xiddiga kadib markii ay PSG waareega 16-ka kaga hadhay champions League.
Isagoo la hadlayay Movistar, Tebas ayaa xaqiijiyay inuu jeclaan lahaa inuu arko Mbappe oo La Liga ka ciyaara una ciyaaraya kooxda Real Madrid.
“Waa hal shay haddii aan arko Mbappe oo Madrid u ciyaaraya halka ay mid kale tahay hadii aan jeclaan lahaa in aan arko Mbappe oo ka ciyaaraya Spain”.
“Waxa aan jecelahay in aan Mbappe ku arko Real Madrid sababta oo ah waxa uu ka dhigi doonaa horyaalka ugu fiican adduunka”ayuu u sheegay Sport.
Related
Xigasho: Kooxda
