Xiddiga daafaca uga ciyaara kooxda chelsea ee Andreas Christensen ayaa lagu soo waramayaa in uu ka yaabsaday xiddigaha ay isku kooxda yihiin kadib markii uu diiday in uu ciyaari Final-kii FA Cup-ka ee sabtidii.
Tuchel ayay xiddigaha Ben Chilwell & Callum Hudson-Odoi dhaawac uga maqnaayeen kulanka taas oo la macno ah in uu tababaruhu haystay daafacyada Trevoh Chalobah, Thiago Silva & Antonio Rudiger kuwaas oo ku bilowday daafaca chelsea.
Si kasta ha ahaatee Christensen oo ku jiray qorshaha Tababaraha in uu ku bilowdo daafaca kooxda ayaa iska diiday in uu ka qayb qaato ciyaarta.
Sida laga soo xigtay Mirror, Christensen ayaa iska diiday in uu ciyaaro taas oo la macno ah in uu xiddiga daafaca ka ciyaara haatanba ciyaaray kulankiisii ugu dambeeyay ee chelsea.
Christensen ayaa la filayay in uu ku bilowdo shaxda laakiin waxa uu go’aankiisa kaga yaabiyay xiddigaha ay isku kooxda yihiin saacad ka hor final-ka.
Xiddiga 26 jirka ah ayaa la sheegayaa in uu heshiis afka ah la gaadhay kooxda Barcelona iyada oo la filayo in uu ku biiro kooxda reer Spain dhamaadka xilli ciyaareedkan.
Xigasho: Kooxda
