halyeyga Liverpool ee Jamie Redknapp ayaa amaanay xiddiga khadka dhexe ee kooxda Arsenal ee Martin Odegaard, isagoo sheegay in uu ka fiicanyahay xiddiga kooxda Man City ee Kevin De Bruyne.
Odegaard ayaa door muhiim ah ka ciyaaraya xilli ciyaareedka aadka u wanaagsan ee Arsenal iyada oo kooxdu hogaaminayso horyaalka premier League 5 dhibcoodna ka horaysa kooxda Man City.
Redknapp waxa uu maqaalkiisa ku sheegay qaybo ka mid ah oo ay daabacday Shabakadda Talk Sport: “Odegaard hadda waxa uu noqday lambarka 1-aad, ma jiro qof isaga ka fiican.”
Waxa uu intaa ku daray: “Waa wax dabiici ah in la yiraahdo Kevin De Bruyne waa khadka dhexe ee ugu fiican kaliya maahan Premier League laakiin adduunka, laakiin De Bruyne haatan uma ciyaarayo sidii hore”.
Redknapp oo hadalkiisa sii wata ayaa yidhi: “Odegaard waxa uu sifo ku leeyahay dhamaan ciyaartoyda waa wayn, Marka uu kubada haysto waxa uu samayn karaa mucjiso”.
“Degnaanshaha uu leeyahay Odegaard, wuxuu ku dhaliyay afar ama shan gool cagtiisa bidix si cajiib ah.”
Related
Xigasho: Kooxda
